أزاي
ـــــــــــــــــــــــــــــ
أزاي يابلد بتحلمي بكلمة أمان
وأبنك كلامه عايز يتعراب الأن
أزاي يابلد عايزة فنون من الألوان
والخير فيك أنعدم أسمه بالزمان
يابلد فيك النفاق في القلوب ألوان
ع كل لون وكتاب واسم سجل يازمان
يوم ما كان مبارك فيك سلطان
الكل خدم وقال اخترناك بأمان
وكام واحد غنى وزاد في الألحان
ولما الثورة قامت وغيرت الآن
صرخ الكل ارحل في قلب الميدان
وعلت أصوات هزت الوديان
واللي بالأمس شدا بالألحان
اليوم يابلد بقى شجعان
صرخ وقال مش عايزينك كمان
يابلد شفت فيك ألوان
منين بتطلبي الحب ويا الأمان
وولادك في دايرة نفاق بالزمان
اليوم الكل قال مبروك وده كان
يابلد الخير منك في نكران
مش بأعيب فيك ولا بأكتب ألحان
بس منين يجي الأمان
ولسة جواك سوس معشش سجان
يابلد كل ماتفرحي يقطفوا منك الايمان
نفسي أحس فيك بنبرة اطمئنان
يابلد عايشة عروسة ياحور الجنان
قبل ماتغيري في قصرك السلطان
غيري نفوس مليانة بالكدب أطنان
غيري ولادك وأرجعي زي زمان
علميهم بجد أزاي يكون الأنسان
آه يابلد بتجري في الدم والشريان
أبنك جرحني وهيجرح فرحتك مهما كان
وأزاي يابلد بتحلمي بأمان
طول ما النفاق مالي المكان
سجل يازمان حروف قالوها الآن
وأفتح أرشيفك وشيل الأمس والآن
ولما يجي بكرة قارن وفسر يازمان
بس منين هيجي الرجا وانتي نكران
والنفاق هيبني ويعشش ع الجدران
وبجد نفسي يابلد أعيش بأطمئنان
وأشوف فيك الولد قبل مايشب انسان
تزرعي فيه المبادئ والصدق والايمان
ولا أشوفش فيك الكل بقى قبطان
وفجأة بقوا أحرار وكلهم شجعان
وزمان كان الكل يغني ويهتف يا أمان
ودوقتي السب والرفض بقى لولادك عنوان
بكرة يجي غيره وغيره كمان
ومن صرخة لصرخة في الميدان
واللي نافق اليوم بكرة هيكون جبان
للجديد يقول ..مولاي..وسيدي السلطان
لما يحكم ويشتد ساعده بالوديان
وهيجي بردوا
اللي يثور وساعتها الكل يبقى شجعان
ازاي يابلد بتطالبيني بالأمان
وولادك حلقة من النفاق بالزمان
أرجع وأقول ده أنتي حور الجنان
ازرعي في ابنك الصدق وبعدين هاتي السلطان
ليست هناك تعليقات:
إرسال تعليق